احلي فراخ ممكن تاكليها جربيها وادعيلي
الطريقه دي لشويالفراخ مافيش اسهل منها
كنت باعمل تقريبا طريقه شبيهه ليها بس كانت بتتطلب مني اني انقع الفراغ في التتبيله من بليل للصبح وبالتالي مش هاتبقي عمليه لو انا قررت فجأة اني اعمل فراخ مشويه
او جولي ضيوف فجاه وانا مش عامله حسابي
كنت قريت الطريقه دي في احد مواقع الطبخ الاجنبيه وعجبتني جدا جدا وقررت اجربها وفعلا طلعت روعه
وانصحكم جميعا انكم تجربوها علي ضمانتي
نبدا الخطوات بسم الله الرحمن الرحيم :
هانحتاج :
ثوم مهروس
ملح وفلفل
بابريكا
شطه لو بتحبيها حراقه
زبده طريه
شرايح ليمون طازجه
عسل ابيض حوالي معلقتين
توابل او اعشاب طازه ( روز ماري ، نعناع ، زعتر ..الخ) زي ماتحبي وعلي حسب زوقك
علبه كانز ( صودا اواي عصير تحبيه المهم تبقي كانز )
وطبعا الفرخه اللي هانشويها
ملحوظه / الوصفه الاصليه بيستخدموا فيها البيره بس طبعا ماينفعش لينا كمسلمين استخدام البيره لانها محرمه
والشيف صاحب الوصفه قال ممكن استخدام اي عصير او حتي صودا ( في شويبس صودا حلوه وبتنفع جدا )
ممكن كمان نجيب علبة كانز فاضيه ونحط فيها عصير برتقال طبيعي وعصير ليمون ومعاهم حبة توابل واعشاب فريش او عصير بصل والتوابل برضو بيقضي الغرض
الطريقه
نجيب الفرخه وتنغسلها كويس من بره ومن جوا ونسيبها تصفي ميتها خالص
احلي فراخ ممكن تاكليها جربيها وادعيلي
نجيب التوابل والثوم والملح والفلفل والبابريكا والشطه والعسل ونعمل منهم معجون مع الزبده
نحاول نعمل فراغات بين جلد واللحم
ندخل ايدينا براحه عشان مانقطعش الجلد
نبدأ ندهن الفرخه من جوه وبره ومن تحت الجلد كويس اوي بالمعجون اللي عملناه
وممكن كمان نعمل شقوق في لحم الصدر وندخل فيها من المعجون ده
احلي فراخ ممكن تاكليها جربيها وادعيلي
احلي فراخ ممكن تاكليها جربيها وادعيلي
بعد ما نتتهي نحط شرايح الليمون بين الجلد ولحم الصدر ( الخطوه دي اختياريه ممكن الاستغناء عنها )
احلي فراخ ممكن تاكليها جربيها وادعيلي
بعد كده نجيب علبة الكانز صودا او العصير اللي تحبيه ، نفتحها ونشرب ربعها
نزود عدد الفتحات الموجوده في الغطا او ممكن نشيلها خالص بفتاحة العلب
ندهن الكانز زيت زيتون عشان تدخل بسهوله
نجيب الفرخه ونلبسها في علبة الكانز
احلي فراخ ممكن تاكليها جربيها وادعيلي
احلي فراخ ممكن تاكليها جربيها وادعيلي
احلي فراخ ممكن تاكليها جربيها وادعيلي
نسد فتحة الرقبه ببصله او قطعة جزر او حتي قطعه من رقبة الفرخه اللي عندنا عشان البخار مايطلعش من الفرخه
احلي فراخ ممكن تاكليها جربيها وادعيلي
نوقفها في صينيه مسنوده علي رجليها الاتنين وعلبة الكانز و ندخلها فرن حار حوالي 200 درجة لمدة ساعه ونص
احلي فراخ ممكن تاكليها جربيها وادعيلي
كل نص ساعه نلف الصينيه عشان نضمن تسويه متساويه ولون متساوي في كل الجهات
بعد ساعه ونص وممكن ساعتين علي حسب حجم الفرخه ودرجة السوا اللي نحبها
نطفي الفرن ونسيبها فيه حوالي 20 دقيقه كمان عشان الجلد يبقي مقرمش
هاتلاقي ان الفرخه استوت كويس اوي من جوا بفعل البخار المتصاعد من علبة الكانز وخدت كمان النكهات الموجوده للعصير او الصودا او التوابل وبيبقي طعمها يجنن
ممكن نحط في الصينيه كميه من الخضار مثلا كوسه وبطاطس وجزر مكعبات وبيستوي علي البخار وبيخدوا طعم التوابل وبيبقي طعمهم روعه وممكن كمان نعمل فرختين مع بعض
موضوع: فراخ مشويه باسهل طريقه 
الإثنين مايو 18, 2009 5:41 am
