عوده المرأه والساطور

Admin عدد المساهمات : 127 تاريخ التسجيل : 17/05/2009

عوده المرأه والساطور
لسلام عليكم ورحمه الله وبركاته
مش هطول عليكم فى الكلام لاكن كلنا يعلم
اننا نعيش فى مجتمع ذكورى
اليومين دول فى مجلس الشعب عايزين يخلوا الخلع بموافقه الزوج
وكمان المرأه التى تبلغ 40 عام غير مسموح لها بالخلع
حفاظا على مشاعر الزوج امام ابنائه والمجتمع

ومش بس كده ده كمان لابد من موافقه الابناء فوق سن 15 سنه
يعنى من الاخر الى تتجوز ويطلع جوزها كده ولا كده
تسم نفسها وتخلص عشان مفيش قانون يحميها
وطبعا كلنا فاكرين من كام سنه جرائم قتل الازواج
والقصص الكتير حول قتل الزوجه لزوجها بالساطور
واضح انها هترجع تانى وخيانه الزوجه واضح هتذيد وتبقى هيصه

الغريب انهم خايفين على جرح مشاعر الزوج من الخلع
لاكن المرأه واضح انهم شايفنها بصوره اخرى ليست ادميه
وليس لديها حق الشعور
او الحق فى الحياه مجرد عبده ذليله عند الزوج

ويا ترى الزوج هيبقى معندوش جرح عندما يعيش مع امرأه لا تريده
صحيح الى اختشوا ماتوا

والله انا خايفه فى يوم من الايام مجلس الشعب
يطلع قرار
ان من حق كل زوج يبيع زوجته امه ونرجع لسوق النخاسه ياله ما هى هيصه
هقول ايه
عجب العجاب عليك يا زمن
الواطى فيك له تمن
وابن الاصول هو الى انظلم
والدنيا داست على الغلبانه
الى كبرت وربت وتعبانه
وصبرت وشقيت اه يانه
والراجل مفيش مروه
والست مالهاش ديه

احبائى منتظره ارائكم ولو عجبكم التقييم
عوده المرأه والساطور