من هو اليتيم ؟

من هو اليتيم ؟
لقد مر بخاطرى خاطر فقررت كتابته وان كنت بذلك سأخاطر

معظمنا بيقول ان اليتيم هو اللى فقد ابويه او احدهما بس اليتيم ممكن يكون انسان ابوه وامه على قيد الحياة حواليه ناس كتير بس كانهم مش موجودين اليتيم هو اللى ملوش مكان لا بيت ولا فى شارع ولا فى بلد
هو اللى لما بيبكى مش بيلاقى حد يمسح دموعه فبيهون على حاله ويمد ايديه ويمسح دموعه ويقنع نفسه ان ده حد جنبه بس هو مش شايفه هو االلى لما يتعب من الدنيا ويحتاج يترمى فى حضن حد بيحضن نفسه يمكن يحس بأمان هو لما مش بيلاقى حد جنبه ولا ايد تتمد تاخد بايديه يمد ايديه اليمين تاخد بايديه الشمال ويقول انا كويس وفى حد معايا بس من جواه بيقول انا بكدب على نفسى بس ده النصيب انا يتيم يتيم الاهل والمرسى يتيم الحضن واللمسة يتيم الكلمة والاحساس انا لوحدى مليش غير ربنا وده يغنينى عن الناس انا بكلامى ده عاوزة بس اوضح اننا لو فكرنا بجد هنلاقى ان كلنا مرينا بلحظات من دى كتير ولو كل واحد فينا فكر كويس قبل مايأذى حد بكلمة او فعل وافتكر لحظة يتم ليه هيرع عن جرحه لانه هيحس قد ايه انك تألم حد وتوجعه ده احساس صعب ولو كل أم وكل أب وأخت وأخ راحوا لبعض مدوا ايديهم لبعض هنمحى الاحساس ده صحيح فى ناس فى حياتنا لو راحت مش ممكن تتعوض بس اوقات كتيرة بنحتاج لمسة حنينة كلمة حلوة تنسينا الم فراق اللى راح بس مش بتنسينا اللى راح وعلشان ربنا دايما موجود الحياة هتمشى وادينا عايشين بنترحم عاللى راحوا وندعى ربنا يرحم العايشين

****تحياتى***