الكيكه الدسمه اربعه فى واحد 0000اتفضلوا
الكيكه الدسمه
المقادير
هذة المقادير تكفى لصينيه مقاس 26 مستديرة
المقادير
نصف كوب قشطه (او سمن او زبدة او زيت)- تلات ارباع كوب سكر بودرة (تطحنيه فى البيت علشان المطحون جاهز من بره دة بيبقى مضاف له نشا علشان مايحجرش وبينشفالحلويات لو عملتى بيه)- 3 بيضات - نصف ملعقه صغيرة فانيليا - واحد ونصف كوب دقيق - ملعقه ونصف صغيرة بيكنج بودر- نصف كوب لبن
الطريقه
نخفق القشطه مع السكر على درجه 3 فى المضرب الكهربى الى ان تصبح هشه وكريمى
نضيف البيض والفانيليا ونكمل خفق على نفس الدرجه الى ان يصبح الخليط هش وكريمى يعنى حوالى خمس دقايق
نضيف الللبن ونكمل خفق
ننخل الدقيق مع البيكنج بودر (مهم جدا ) ونضيفهم على الخليط السابق ونقلل درجه المضرب الى رقم 1 ونخفق الى ان يختفى الدقيق
نصب الخليط فى صينيه مدهونه سمن ومرشوشه دقيق وندخلها فرن مسخن مسبقا على درجه 180 لو فرنك صغير ولو فرنك كبير يبقى على 200
تخبز لمدة 35-45 دقيقه حسب الفرن وبعد تمام النضج تقلب على منخل لتبرد
اختيارات
لعمل كيك بالبرتقال000بنفس المقادير مع استبدال الللبن بعصير برتقال طازج وبرش برتقاله وبنفس باقى المقادير والخطوات
لعمل كيك رخامى دسم000نفس الخطوات هى هى والمقادير ولكن عند صب الخليط فى الصينيه ناخذ منه ملعقتين طعام ونضيف لهم ملعقتين شاى كاكاو خام 000وبالملعقه نضيف العجين بالكاكاو وسط العجين الابيض بتوزيعات عشوائيه 00او نضعه فوق الوجه على شكل شرائط او دوائر كبيرة ومع النضج ينزل داخل الكيك ويشكل الشكل الرخامى
لعمل الكيك الدسم الشيكولاته00نستبدل نصف كوب دقيق بنصف كوب كاكاو فاتح او ملعقتين كبار من الدقيق بملعقتين كبار كاكاو سادة ونكمل الطريقه عادى ولو بتحبيها غامقه زيادة زودى الكاكاو حسب رغبتك مع تقليل كميه الدقيق بالمقابل
جربوها
رائعه