هاتي الفراخ وقطعيها زي ما تحبي
1- حطي في الحلة حوالي ملعقة كبيرة زبدة
2- على نار هادية حطي الحلة وحطي فيها الفراخ وشوحي الفراخ لمدة ربع ساعة مع التقليب المستمر
3- قطعي بصلتين حلقات وحطيهم في الحلة وشوحي حوالي 10 دقايق مع التقليب
4- قطعي فلفل أخضر وفلفل أحمر وفلفل أصفر حلقات وحطيهم في الحلة مع التقليب
5- قطعي 3 فصوص ثوم حلقات وحطيهم في الحلة مع التقليب
6- ابشري 5 حبات طماطم وحطيهم في الحلة وقلبي باستمرار حتى تتسبك الطماطم
7- تبلي إللي عملتيه دة بالملح والفلفل الأسود وقليل من الشطة أو كثير حسب ما تحبي وقليل من الخل حوالي ملعقة وقليل من القرفة (على طرف الملعقة )
8- غطي الحلة وسبيها على النار لغاية لما تستوي الفراخ وتقل صلصتها حتى الربع
9- كلي بالهنا والشفا وإعملي مع الأكلة دي رز بالشعرية وبلاش سلطة كفاية بشكيلة مخلل وسلطة طحينة.